Լուկաշենկոն մասնակցելու է Կազանում կայանալիք ԲՐԻԿՍ-ի գագաթնաժողովին
Աշխարհ
Բելառուսի նախագահ Ալեքսանդր Լուկաշենկոն հոկտեմբերի 23-ին կմեկնի Կազան՝ մասնակցելու ԲՐԻԿՍ գագաթնաժողովին, այս մասին հայտնել է Բելառուսի առաջնորդի մամուլի ծառայությանը մոտ կանգնած «Պուլ առաջին» տելեգրամյան ալիքը։
Նշվում է, որ Լուկաշենկոն կմասնակցի «ԲՐԻԿՍ պլյուս» ձևաչափով գագաթնաժողովի նիստին: Կողմերը կքննարկեն միջազգային քաղաքականության հարցերը։
Հիշեցնենք նաև հոկտեմբերի 22-ին Կազանում մեկնարկվել է ԲՐԻԿՍ գագաթնաժողովը։ Միջոցառումը կշարունակվի մինչև հոկտեմբերի 24-ը: Հանդիպմանը առաջին անգամ ներկա կլինեն ԲՐԻԿՍ գագաթնաժողովի նոր անդամ երկրները։
ԲՐԻԿՍ-ը միջազգային խումբ է, որը միավորում է հինգ երկիր՝ Բրազիլիան, Ռուսաստանը, Հնդկաստանը, Չինաստանը և Հարավաֆրիկյան Հանրապետությունը (Հարավային Աֆրիկա):
2024 թվականին ԲՐԻԿՍ-ին միացան Եգիպտոսը, Իրանը, ԱՄԷ-ն և Եթովպիան։ Այսօր միավորումը վերածվում է գլոբալ համագործակցության հզոր հարթակի, որը պահպանում է բազմաբևեռ աշխարհակարգը։
Ավելի վաղ հայտնի էր դարձել, որ Պուտինը առանձնազրույց է ունեցել Կազան ժամանած գրեթե բոլոր առաջնորդների հետ:
Թարգմ․ Ժաննա Պողոսյան
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
