Թուրքիան հավատում է BRICS-ի նպատակներին. Էրդողանն ավարտել է իր այցը Կազան

Թուրքիայի նախագահ Ռեջեփ Թայիփ Էրդողանը, ելույթ ունենալով հինգշաբթի Կազանում BRICS+ հանդիպման ժամանակ, ասել է, որ Թուրքիան հավատում է BRICS-ի նպատակներին՝ ստեղծելու արդար աշխարհակարգ և առևտրային հարաբերություններ։

«Այսօրվա միջավայրում համակարգը չի կարող մատուցել այն, ինչ իրենից ակնկալվում է: Թուրքիան մեծ նշանակություն է տալիս բազմակողմ հարթակներում մեր ընկերների հետ միավորմանը և ընդհանուր խնդիրների լուծմանը: Մենք հավատում ենք այն նպատակներին, որ BRICS-ը եզակի ներդրում ունի ավելի արդար գլոբալ համակարգի, առևտրային հարաբերությունների գաղափարի մեջ։ Թուրքիան բազմաթիվ տարածաշրջանային կազմակերպությունների հիմնադիր անդամ է։ Նա G20-ի անդամ է։ Շատ երկրների հետ մեր համագործակցության մեխանիզմներն ամեն օր զարգանում են։ Մենք լի ենք վճռականությամբ BRICS ընտանիքի հետ մեր երկխոսությունը բարելավելու հարցում»,– ասել է Էրդողանը։

Նշենք, որ Էրդողանն ավարտել է իր այցը Կազան։ Նրան օդանավակայանում ճանապարհել է Թաթարստանի ղեկավար Ռուստամ Միննիխանովը։