Մոսկվան և Փհենյանն իրենք կորոշեն, թե երբ պետք է իրականացնեն ռազմական օգնության մասին հոդվածը․ Պուտին

Մոսկվան և Փհենյանն իրենք կորոշեն, թե երբ պետք է կյանքի կոչեն երկու պետությունների միջև ռազմավարական գործընկերության համաձայնագրի ռազմական օգնության վերաբերյալ կետը։ Այս մասին ՌԴ նախագահ Վլադիմիր Պուտինը հայտարարել է «Россия-1» հեռուստաալիքին տված հարցազրույցում։

«Թե ինչ կանենք մենք այս հոդվածի հետ՝ դա դեռ հարց է, որը կլուծենք մեր հյուսիսկորեացի ընկերների հետ շփման ընթացքում: (...) Եթե ինչ-որ բան պետք է լուծել, մենք կլուծենք։ Համապատասխան դիրքորոշում ունեն Հյուսիսային Կորեայի մեր ընկերները»,- ասել է ՌԴ ղեկավարը։

Պուտինը նաև հավելել է, որ ռազմական գործընկերության նման հարցերը հանդիսանում են Ռուսաստանի և ԿԺԴՀ-ի ինքնիշխան որոշումը։

Ավելի վաղ Պուտինը հայտարարել էր, որ Հյուսիսային Կորեան լրջորեն է վերաբերվում Ռուսաստանի հետ պայմանավորվածություններին, և կողմերը կապի մեջ են Ռազմավարական գործընկերության պայմանագրի 4-րդ հոդվածի կատարման հարցում, որը ներառում է ռազմական օգնության տրամադրումը։