«Վրացական երազանքը» պարտվել է Թբիլիսիում, սակայն Ախալքալաքում հավաքել է ձայների գրեթե 90 տոկոսը

«Վրացական երազանքը» պարտվել է ընտրություններում Թբիլիսիում և այլ խոշոր քաղաքներում, սակայն Նինոծմինդայում և Ախալքալաքում հավաքել է ձայների գրեթե 90 տոկոսը։ Այս մասին հաղորդում է Newsgeorgia-ն։

Ըստ երկրի ԿԸՀ կայքի նախնական արդյունքների (Հաշվարկվել են 3111 ընտրատեղամասերից 2255-ի տվյալները)՝

«Վրացական երազանք» – 53.056%, 957.960 ձայն;

«Կոալիցիա հանուն փոփոխությունների» – 11,177% (201,807 ձայն);

«Միասնություն» - 9,852% (177,892 ձայն);

«Ուժեղ Վրաստան» - 8,998% (162,459 ձայն);

«Գախարիա – Վրաստանի համար» – 8,228% (148,570 ձայն)։

Մթածմինդա – 41,512% (14696 ձայն),

 Վակե – 38,003% (28,983 ձայն),

 Սաբուրթալո – 39,758% (38110 ձայն),

 Կրծանիսի – 48,831% (11002 ձայն),

 Իսանի – 45,298% (28767 ձայն),

 Սամգորի – 44,924% (37004 ձայն),

 Չուգուրեթի – 44,105% (17936 ձայն),

 Դիդուբե - 42,076% (17,234),

 Նաձալադևի - 42,571% (33,952),

 Գլդանի – 40,46% (34547)։

Իշխող կուսակցությունը լավագույն արդյունքներ է ցույց տվել Սամցխե-Ջավախեթիում և Քվեմո Քարթլիում։ Սրանք այն շրջաններն են, որտեղ խիտ բնակվում են էթնիկ փոքրամասնությունները։ Այս ընտրությունների ժամանակ խախտումների մասին հաղորդումների մեծ մասը հենց այնտեղից էր։ Մառնեուլիի շրջանում նույնիսկ ընտրատեղամասերից մեկում ստիպված են եղել չեղարկել արդյունքները՝ քվեաթերթիկների զանգվածային լցոնումներից հետո։ Վրաստանի նախագահ Սալոմե Զուրաբիշվիլին նույնպես մատնանշել է բացասական միտումը՝ ասելով, որ «ընտրություններ կեղծելու համար էթնիկ փոքրամասնություններին օգտագործելը ամոթալի է և անբարոյական»:

Այնուամենայնիվ, կա մեկ այլ միտում․ պատմականորեն այս շրջանները հիմնականում քվեարկում են իշխող կուսակցության օգտին:

Գարդաբանի - 70,831% (8919 ձայն),

 Մառնեուլի – 79,545% (19424 ձայն),

 Բոլնիս – 80,711% (18390 ձայն),

 Դմանիսի – 76,434% (6824 ձայն),

 Ծալկա – 69,335% (3387 ձայն),

 Ադիգենի - 71,309% (3,328 ձայն),

 Ախալքալաք՝ 88,933% (11749 ձայն),

 Նինոծմինդա – 89,771% (7802 ձայն)։