Վրաստանի նախագահն արտակարգ հայտարարությամբ հանդես կգա ընտրությունների արդյունքների վերաբերյալ
Աշխարհ
Վրաստանի նախագահի աշխատակազմը հայտարարել է, որ Սալոմե Զուրաբիշվիլին արտակարգ հայտարարությամբ հանդես կգա ժամը 21։00-ին։ Այս մասին հաղորդում է Euromedia24.com-ը։
Սպասվում է, որ նա մեկնաբանելու է խորհրդարանական ընտրությունների արդյունքները։
Ընտրություններից առաջ Զուրաբիշվիլին բացահայտորեն աջակցում էր ընդդիմությանը, նրա նախաձեռնությամբ էր, որ հիմնական ընդդիմադիր ուժերը ստորագրեցին Գործողությունների պրոեվրոպական խարտիան։
Ընտրություններից հետո նրանք բոլորը հայտարարեցին, որ քվեարկությունը կեղծված է, և իրենք չեն ճանաչում Կենտրոնական ընտրական հանձնաժողովի հրապարակած արդյունքները։
ԿԸՀ-ի տվյալներով՝ «Վրացական երազանքը» 2012 թվականից ի վեր չորրորդ անգամ հաղթել է խորհրդարանական ընտրություններում՝ ստանալով ձայների 54 տոկոսը։
Ամենադիտված 
Նարինե Չարչյանը ծխում է սրճարանում՝ Աննա Հակոբյանի կողքին. օրենքը նրան չի վերաբերու՞մ (տեսանյութ)
