Գերմանիայի արտաքին գործերի նախարար Աննա Լենա Բերբոկը չհայտարարված այցով ժամանել է Կիև

Այսօր նոյեմբերի 4-ին գերմանիայի արտաքին գործերի նախարար Աննա Լենա Բերբոկը չհայտարարված այցով ժամանել է Կիև, այս մասին հայտնում է ՏԱՍՍ-ը: 

Գերմանիան աշխարհի բազմաթիվ գործընկերների հետ միասին ամուր կանգնած է Ուկրաինայի կողքին, հայտարարել է Աննա Լենա Բերբոկը։

Նա հիշեցրել է, որ վերջերս Գերմանիան ընդլայնել է այսպես կոչված ձմեռային պաշտպանության հովանոցը՝ լրացուցիչ 170 մլն եվրո (18 մլրդ ռուբլի) հատկացնելով Ուկրաինային էներգետիկ օգնության համար։

Միևնույն ժամանակ, նա պնդում էր, որ Ուկրաինան «ավելի մոտ է դարձել ԵՄ-ին, քան երբևէ»: Ավելի վաղ Բունդեսվերի պաշտոնաթող գեներալ Յոահիմ Վունդրակը հայտարարել էր, որ Բերբոկը ագրեսիվ հռետորաբանություն է որդեգրել Ռուսաստանի նկատմամբ, դա երկրին օգուտ չի տալիս: Նրա կարծիքով՝ գերմանական իշխանությունները չպետք է պատերազմի մեջ լինեն Մոսկվայի հետ։

Մինչ այդ Բերբոկը նաև հայտարարել էր, որ աջակցում է Կիևին Taurus հրթիռների փոխանցմանը: ԱԳ նախարարը նշել է, որ Գերմանիայի ռազմական աջակցությունը դեռևս կենտրոնացած է հակաօդային պաշտպանության համակարգերի վրա՝ կրիտիկական ենթակառուցվածքները պաշտպանելու համար, և էներգետիկ օբյեկտները պաշտպանելու անհրաժեշտությունն արդիական է դարձել մոտեցող ձմռան ֆոնին: Գերմանիայի կառավարության ներկայացուցիչ Շտեֆեն Հեբեշթրայթը հայտարարել է, որ իր դիրքորոշումը չի ազդի Ուկրաինային հեռահար սպառազինություն փոխանցելուց կանցլերի հրաժարվելու վրա։  

Թարգմ․ Ժաննա Պողոսյան