Պուտինը չի ծրագրում շնորհավորել Թրամփին հաղթանակի կապակցությամբ․ Պեսկով

ՌԴ նախագահ Վլադիմիր Պուտինը մտադիր չէ շնորհավորել հանրապետական ​​Դոնալդ Թրամփին նախագահական ընտրություններում տարած հաղթանակի կապակցությամբ։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։

«Ես չգիտեմ նախագահի՝ Թրամփին ընտրությունների կապակցությամբ շնորհավորելու ծրագրերի մասին։ Եկեք չմոռանանք, որ խոսքը գնում է ոչ բարեկամական երկրի մասին, որը և՛ ուղղակիորեն, և՛ անուղղակիորեն ներգրավված է մեր պետության դեմ պատերազմի մեջ», - Պեսկովի խոսքերը մեջբերում է ՏԱՍՍ-ը։