Nissan ավտոարտադրող ընկերությունը հազարավոր աշխատակիցների աշխատավարձերը կրճատել է՝ բիզնեսը փրկելու համար

Ճապոնական Nissan ավտոարտադրողը որոշել է կրճատել իր ղեկավարության աշխատավարձերը, աշխատանքից ազատել 9 հազար աշխատակցի և արտադրական հզորությունները կրճատել 20 տոկոսով, այս մասին ասվում է ընկերության մամուլի հաղորդագրության մեջ։ 

«Բախվելով ծանր իրավիճակի՝ ընկերությունը հրատապ միջոցներ է ձեռնարկում կատարողականը բարելավելու և ավելի ճկուն և կայուն բիզնես ստեղծելու համար, որն ի վիճակի է արագ հարմարվել շուկայի փոփոխություններին», նշում է արտադրողը:

Nissan-ի տնօրեն՝ Մակոտո Ուչիդանը նպատակ է դրել նվազեցնել ծախսերը, նվազեցնել արտադրության ինքնարժեքը և ռացիոնալացնել ակտիվների պորտֆելը։ Մասնավորապես, ընկերության գլխավոր տնօրեն Մակոտո Ուչիդան իր կամքով հրաժարվել է իր ամսական աշխատավարձի 50 տոկոսից։ Նման որոշում են կայացրել նաև ղեկավարության մյուս անդամները։

Ընկերությունը հայտարարել է Mitsubishi Motors-ի 149 մլն բաժնետոմսերի վաճառքի մասին։

Թարգմ․ Ժաննա Պողոսյան