Գերմանիայում արտահերթ ընտրություններ են ուզում․ DW

Գերմանիայի հարցված քաղաքացիների մեծամասնությունը (53%) ցանկանում է արտահերթ խորհրդարանական ընտրություններ, մինչդեռ 40%-ը ցանկանում է, որ իշխող կոալիցիան շարունակի աշխատել մինչև 2025 թվականի սեպտեմբերին նախատեսված ընտրությունները, ասվում է ARD DeutschlandTrend-ի հարցման արդյունքներով։ Հարցումն անցկացվել է նոյեմբերի 6-ին` դեռևս նախքան հայտնի դառնալը եռակողմ կառավարական կոալիցիայի փլուզման մասին, որում այժմ մնացել է երկու կուսակցություն, գրում է DW-ն:

Աջ պոպուլիստական ​​«Այլընտրանք Գերմանիայի համար» կուսակցության կողմնակիցների շրջանում արտահերթ ընտրությունների կողմնակից է 88%-ը, ձախ պոպուլիստական ​​«Սառա Վագենկնեխտ» միության ընտրողների շրջանում՝ 82%-ը, իսկ պահպանողական քրիստոնյա «Ժողովրդավարական միության» շրջանում՝ 68%-ը: 

Հարցվածների 85%-ը դժգոհ է դաշնային կառավարության աշխատանքից։