Apple-ը դադարեցրել է iPhone-ի երեք մոդելների վաճառքը ԵՄ երկրներում
Այլ
Apple-ը դադարեցրել է iPhone 14, 14 Plus և երրորդ սերնդի iPhone SE-ի վաճառքը ԵՄ երկրներում՝ սմարթֆոնների լիցքավորիչների միասնական ստանդարտի մասին հրամանագրի ուժի մեջ մտնելու պատճառով։ Այս մասին հայտնում է MacRumors պորտալը։
Աղբյուրի համաձայն՝ iPhone-ի այս մոդելներն այլևս հասանելի չեն ԵՄ-ի Apple առցանց խանութում և այն երկրներում, որոնք մաս են կազմում Եվրոպական միասնական շուկայի, օրինակ՝ Շվեյցարիայում:
Նոր կանոնների համաձայն՝ Եվրամիության անդամ երկրները պարտավոր են ապահովել շարժական սարքերի լիցքավորիչների համապատասխանությունը ոչ ուշ, քան 2024 թվականի դեկտեմբերի 28-ը։ Բացառություն են կազմում շարժական համակարգիչները, որոնց համար USB-C-ի անցումը պետք է ավարտվի մինչև 2026 թվականի ապրիլի 28-ը։
Այսպիսով, վաճառքից հանվել են սեփական Lightning միակցիչով հագեցած սարքերը։ Միայն iPhone 15-ն ու iPhone 16-ն են առաջարկում ժամանակակից USB-C:
Սպասվում է, որ Apple-ը մարտին կներկայացնի չորրորդ սերնդի iPhone SE-ն՝ USB-C-ով: iPhone 14-ի և 14 Plus-ի վաճառքը, հավանաբար, կդադարեցվեին սեպտեմբերին, եթե չլինեին նոր կանոնները:
Ամենադիտված 
«Դե գնա․․․»․ ռուս հաղորդավարուհու արձագանքը՝ Ռուսաստանին ուղղված Ալիևի պահանջներին (տեսանյութ)
