Ես որոշ էմոցիոնալ գնահատականներ եմ տվել, որը ինչ-որ տեղ լարվածությունը մեծացրել է. ես ճիշտ չէի. Անդրանիկ Քոչարյան

Ես որոշ էմոցիոնալ գնահատականներ եմ տվել, որը գուցե  ինչ-որ տեղ լարվածությունը մեծացրել էր: Այս մասին NEWS.am-ի հետ զրույցում նշեց ԱԺ պաշտպանության եւ անվտանգության հարցերի հանձնաժողովի նախագահ, ՔՊ խմբակցության պատգամավոր Անդրանիկ Քոչարյանը՝ անդրադառնալով նրան, որ սկզբում հրաժարվել էր հանդիպել անհետ կորածների հարազատների հետ եւ մեկնաբանել, որ գուցե նրանք որոշակի շրջանակների հետ կապ ունեն:

«Այդ խնդիրների լուծումը ճանապարհ փակելը չէ, այլ մեկս մյուսին ճիշտ ընկալելու եւ մեր աշխատանքը ճիշտ կազմակերպելու մեջ էր: Հարցին, թե կարո՞ղ է այստեղ որոշակի քաղաքական ուղղորդվածություն լինի, ես հստակ չեմ ասել այո, բայց մարդիկ հասկացել են, որ ուղղորդման մասին խոսքը հստակ է եղել դեպի

Իրենց դժգոհությունը, որ հոգեւորականը, որը նորից հայտնվել է եւ անհասկանալի մեկնաբանություններով է հանդես գալիս: կարծեմ էսօր էլ պետք է իշխանությունը վերցնի: Այս լարվածությունը, այդ դժգոհությունները չէր լինի, եթե մեր հանդիպումը տեղի ունենար: Արդյոք ես մինչեւ վերջ ճիշտ էի: Չէ:

Ես իրենց հետ հանդիպմանն ասել եմ, որ երբեք նկատի չեմ ունեցել ծնողների և հոգեւորականի կապը քաղաքական դրսեւորումների միջավայրում: Դա այդպես չի: Հանդիպումը շատ բարձր տոներով անցավ: Շատ լավ էր, որ տոները բարձրացան, հետո իջան: Հետո հասկացանք, թե ինչու է այսպես: Հանդիպմանը մասնակցել է նաեւ ԱԺ նախագահ Ալեն Սիմոնյանը:

Քննիչ հանձնաժողովի հետ կապված էլ քննարկում եղավ, ես բացատրեցի, որ անհնար է, որ մինչեւ ԱԺ լիագորմար նիստին իմ կողմից եզրակացություն ներկայացնելը որեւէ մեկը իրավասու չէ ծանոթանալու այդ նյութերին»,-ասաց Քոչարյանը:

Նա ընդգծեց, որ այդ հանդիպման արդյունքում որոշել են կազմակերպել փակ լսումներ անհետ կորածների ծնողների  հարազատների հետ, որին կմասնակցեն բոլոր այն կառույցները, որոնք նեևրկայացված են համապատասխան միջգերատեսչական հանձնաժողովում: