«Եկե՛ք սկսենք պարզապես ապրել». Դիանա Գրիգորյանի ամանորյա լուսանկարը
Ժամանց
Սցենարիստ, պրոդյուսեր Դիանա Գրիգորյանն ամանորյա լուսանկար է հրապարակել ընտանիքի անդամների հետ միասին։ Լուսանկարին կից Դիանան գրել է․
«Եկեք ուղղակի մի պահ ամանորյա այս անցուդարձի ու աղմուկի մեջ կանգ առնենք ու վերլուծենք մեր ապրած ու արդեն անցյալ դարձած տարին, հասկանանք՝ ինչ տվեցինք, և ինչ ստացանք. որքանով կարողացանք օգտագործել մեր հնարավորություններն ու աստվածահաճո ինչ քայլեր արեցինք, Աստծուն ինչպես շնորհակալ եղանք մեր անգին նվերի՝ մեզ տրված կյանքի համար։
Եկեք Նոր տարին սկսենք նոր ու բարի ցանկություններով, մաքուր հոգով ու բարիք սփռելու, հարեհաս լինելու կարողությամբ. չէ որ բարությունը ծնում է Աստծո գոհությունը, իսկ Աստծո օրհնությունն ամենամեծ սպասումն է բոլորիս կյանքում։
Եկե՛ք սկսենք պարզապես ապրել, մեր սրտի և հոգու բառարանից ֆիլտրել մեծախոսությունը, շահամոլությունը, չարախոսությունը, քննադատությունը, նախանձը, փառամոլությունը, եսասիրությունը…
Գոհանանք ունեցածով, շնորհակալ լինենք ամեն մեզ տրված օրվա համար։
Թող աշխարհի ՄԵԾ խաղերն ավարտվեն, և խաղաղություն ու Աստծո օրհնանքը թևածի ԵՐԿՆՔՈՒՄ»։
Ամենադիտված 
«Դե գնա․․․»․ ռուս հաղորդավարուհու արձագանքը՝ Ռուսաստանին ուղղված Ալիևի պահանջներին (տեսանյութ)
