Դանակահարություններ Աբովյան քաղաքի եկեղեցի հարևանությամբ
Հասարակություն
Ոստիկանության Կոտայքի մարզի օպերատիվ կառավարման կենտրոն հունվարի 1-ին «Աբովյան» բժշկական կենտրոնից հաղորդում է ստացվել, որ մարմնական վնասվածքներով բուժօգնության է տեղափոխվել Աբովյան քաղաքի և Երևանի բնակիչ 22-25 տարեկան երեք երիտասարդ։
Մարզի քրեական ոստիկանների ձեռնարկած միջոցառումների արդյունքում պարզվել է, որ նրանք վնասվածքները ստացել են Աբովյանի «Սուրբ Հովհաննես» եկեղեցու մոտակայքում մի խումբ երիտասարդների միջև տեղի ունեցած վիճաբանության ժամանակ։ Վեճը վերածվել է ծեծկռտուքի, որի ընթացքում Աբովյան քաղաքի բնակիչ 22-ամյա երիտասարդը սուր կտրող-ծակող առարկայով հարվածել է բուժօգնության տեղափոխված Երևանի բնակիչ 22-ամյա երիտասարդին։
Վերջինս, իր հերթին, դանակով հարվածել է Աբովյանի բնակչին՝ պատճառելով կրծքավանդակի թափանցող վնասվածք: Հիվանդանոց տեղափոխված երրորդ երիտասարդը ստացել էր միայն գլխի և կրծքավանդակի սալջարդ վերքեր։
Նախաձեռնվել է քրեական վարույթ: Ձեռնարկված միջոցառումների արդյունքում վիճաբանության մասնակիցները հայտնաբերվել, ձերբակալվել և ներկայացվել են Աբովյանի քննչական բաժին։
Ամենադիտված 
«Դե գնա․․․»․ ռուս հաղորդավարուհու արձագանքը՝ Ռուսաստանին ուղղված Ալիևի պահանջներին (տեսանյութ)
