Թիկնիզյանը խոսել է 2025 թվականի՝ իր նպատակների մասին

Մոսկվայի «Լոկոմոտիվի» ֆուտբոլիստ Նաիր Թիկնիզյանը Metaratings.ru-ին տված հարցազրույցում խոսել է 2025 թվականի նպատակների մասին։

«Ես երբեք չեմ կազմում անձնական ծրագրեր։ Առաջիկա տարվա համար իմ նպատակները պարզ են՝ հաղթել յուրաքանչյուր խաղում։ Եթե ստացվի, Աստված կտա, 2025 թվականին «Լոկոմոտիվի» կազմում տիտղոս կնվաճեմ»,- ասել է Թիկնիզյանը։

Թիկնիզյանը 25 տարեկան է, այս մրցաշրջանում նա «Լոկոմոտիվի» կազմում մասնակցել է 23 հանդիպման ՌՊԼ-ում և FONBET Ռուսաստանի գավաթում՝ խփելով 2 գոլ և կատարելով 3 գոլային փոխանցում։ «Երկաթուղայինները» ձմեռային դադարի են գնացել Ռուսաստանի Պրեմիեր լիգայի հինգերորդ հորիզոնականում․ թիմն ունի 35 միավոր 18 տուրի արդյունքում և 4 միավորով հետ է մնում առաջատար «Կրասնոդարից» ու «Զենիթից»։ Ռուսաստանի գավաթում «Լոկոմոտիվը» գարնանը Պրովինցիաների ուղու փլեյ-օֆֆում կհանդիպի մախաչկալայի «Դինամոյին»։