Էսա Նիկոլի «իրական Հայաստանը»՝ բրախած ու անտեր, երբ բոլորը միայն զավզականում են, «գետնի վրա»՝ զրո․ Արմեն Հովասափյան

Արմեն Հովասափյանը ֆեյսբուքյան իր էջում գրել է․

«Հիմի կասեք՝ սպանեց իրա Մ6 մայրուղու 42-րդ կիլոմետրի թեմայով, բայց դե սատանեն մանրուքի մեջ է: Նայեք ուղիղ 2 շաբաթ է մայրուղու այդ հատվածը, որն ի դեպ Հայաստանը Վրաստանին կապող գլխավոր հանգույցներից մեկն է, նման անտեր վիճակում է: Էսօր 06:50 անցա՝ վիճակը նույնն է:

Հատկանշական է նաև այն, որ Նիկոլի նմանը, ով անընդհատ խոսում է արդյունավետ կառավարումից, ճիշտ ծախսելուց, կրթվելուց և չգիտեմ էլ ինչից, ամենատարրական հարցում ցույց է տալիս, ինչքան «խնամքով» է ծախսում պետբյուջեի միջոցները:

Նախ անորակ ասֆալտն ու տեղում իրականացրած ոչ ճիշտ լիցքը (պատբոռնին), խոսում է բարձիթողի արված աշխառանքի կազմակերպվածության մասին: Նշանակում է ոչ շինարարն է սրտացավ եղել, ոչ էլ ճանապարհի աշխատանքներն իրականացրած վերահսկող հանձնաժողովը:

Մի ուրիշ, ոչ պակաս կարևոր, անիմաստ աշխատանքի մասին: 14 օր էդ հատվածում 24 ժամ հերթապահում են պարեկներ: Այսինքն 336 ժամ պարեկի մեքենան մի կետում կանգնած է, ինչն իր հերթին բենզինի լրացուցիչ ծախս է, գումարած մեքենայի մարտկոցի հավելյալ գերծանրաբեռնվածությունը (փարոսիկներն ընդհանրապես չեն անջատվում, գեներատորն աշխատում է անընդհատ): Սա նշանակում է, որ մեքենաները գոյություն ունեցող անտերխանայի պատճառով շատ շուտով շարքից դուրս կգան:

Էսա Նիկոլի «իրական Հայաստանը»՝ բրախած ու անտեր, երբ բոլորը միայն զավզականում են, «գետնի վրա»՝ զրո»: