Թրամփը մտադիր է վերափոխել աշխարհը՝ ստեղծելով թրամփյան նոր աշխարհագրություն․ Մեդվեդև

ԱՄՆ նորընտիր նախագահ Դոնալդ Թրամփը «չի հասցնում ձանձրանալ» նախագահական իր երկրորդ ժամկետի մեկնարկին և ցանկանում է վերափոխել ամբողջ աշխարհը։ Նման կարծիք է հայտնել ՌԴ Անվտանգության խորհրդի փոխնախագահ Դմիտրի Մեդվեդևը Telegram-ի իր ալիքում։

Մեդվեդևը, ինչպես հայտնել ենք, մեկնաբանել է Թրամփի՝ ԱՄՆ-ի համար Գրենլանդիան, Կանադան և Պանամայի ջրանցքը ձեռք բերելու մտադրությունը։ ՌԴ Անվտանգության խորհրդի փոխնախագահի խոսքով՝ ամերիկացի առաջնորդի նկրտումները հասկանալի են, քանի որ ուկրաինական հակամարտության կարգավորման արագ հաջողությունները շատ կասկածելի են, ԱՄՆ տնտեսությունն ապրում է իր կյանքով, և նույնիսկ միգրանտների դեմ պայքարում խոշոր հաղթանակների ակնկալիք չկա։

Վերոնշյալ բոլոր պատճառներով, Մեդվեդևի խոսքով, Թրամփը որոշել է «վերակազմել աշխարհը», ստեղծել «նոր, թրամփյան քաղաքական աշխարհագրություն»:

Քաղաքական գործչի կարծիքով՝ Թրամփի այս նոր «գունավոր գլոբուսը» կարող է շատ տարբերվել «ներկայիս ձանձրալի մոխրագույնից»։

Այդուհանդերձ, Մեդվեդևը նշել է, որ ԱՄՆ նոր նախագահի բոլոր գաղափարները «զուտ խողովակային երազանքներ են և բացարձակապես անիրատեսական»։