Apple-ը և Google-ը պարտավորեցրել են տուգանքներ վճարել բոլոր բրազիլացիներին, ովքեր ներբեռնել են FaceApp-ը

Apple-ն ու Google-ը Բրազիլիայում տուգանվել են 19 մլն ռեալով (մոտ 3,1 մլն դոլար) FaceApp հավելվածը տարածելու համար, որը մեղադրվում է օգտատերերի տվյալների անօրինական հավաքագրման մեջ։ Այս մասին հայտնում է UOL պորտալը։

Դատարանը որոշել է, որ երկու ընկերություններն էլ պատասխանատվություն են կրում՝ FaceApp-ին թույլ տալու հավաքել զգայուն տեղեկատվություն՝ առանց օգտատերերի համաձայնության, ինչը խախտում է Բրազիլիայի քաղաքացիների համացանցային հիմունքները:

Բրազիլիայի օրենսդրության համաձայն՝ հարթակներին չի թույլատրվում հավաքել մեծ քանակությամբ անձնական տվյալներ՝ առանց օգտատերերի համաձայնության։ Բացի այս օրենքը խախտելուց, FaceApp-ը նաև չի հրապարակում իր օգտագործման պայմանները և գաղտնիության քաղաքականությունը պորտուգալերենով։

Դատարանը նաև պարտավորեցրել է Apple-ին և Google-ին վճարել 500 ռեալ (մոտ 82 դոլար) յուրաքանչյուր բրազիլացի օգտատիրոջը, ով ներբեռնել է հավելվածը 2020 թվականի հունիսից: