Իսլամ Մախաչեւ․ Արման Ծառուկյանը չունի թույլ տեղեր
Սպորտ
Խառը մենամարտերի թեթեւ քաշային կարգում (70 կգ) UFC չեմպիոն, ռուսաստանցի Իսլամ Մախաչեւը բարձր է գնահատել իր քաշային կարգում UFC դասակարգման առաջին համար, Հայաստանի ներկայացուցիչ Արման Ծառուկյանի որակները։
«Արման Ծառուկյանը չունի թույլ տեղեր։ Դրանք գտնելու համար ստիպված կլինենք շատ փորփրել։ Նա ունի բոլոր որակները եւ իսկական հավակնորդ է, այս պահին լավագույնն է մեր քաշային կարգում։
Նախորդ երեք ամիսներին առավելագույնն եմ արել մարզումներին՝ պատրաստվելով այս մենամարտին, քանի որ Արման Ծառուկյանը ցանկանում է խլել իմ գոտին։ Չեմ ցանկանում ոչ մի հնարավորություն տալ նրան»,- Իսլամ Մախաչեւի խոսքը մեջբերում է MMA Junkie-ն։
2019-ին Իսլամ Մախաչեւը հաղթել էր Արման Ծառուկյանին։ Նրանց երկրորդ տիտղոսային մենամարտը տեղի կունենա հունվարի 18-ին ԱՄՆ-ում։
Ամենադիտված 
Ալիևը վերահաստատել է՝ Թուրքիայի հետ միասին չեն պատրաստվում հանդուրժել ՀՀ-ի գոյությունը որպես պետություն. թյուրքագետ
