Արևմուտքը բարոյական իրավունք չունի սովորեցնել ընտրություններ անցկացնել․ Լեբեդև
Աշխարհ
Արևմուտքը բարոյական իրավունք չունի ԱՊՀ երկրներին սովորեցնել ընտրություններ անցկացնել։ Այս մասին լրագրողներին ասել է ԱՊՀ գլխավոր քարտուղար, Բելառուսի նախագահական ընտրություններում ԱՊՀ դիտորդական առաքելության ղեկավար Սերգեյ Լեբեդեւը Բելառուսի պետության ղեկավար Ալեքսանդր Լուկաշենկոյի հետ հանդիպումից հետո, գրում է Belta-ն։
«Նրանք բարոյական իրավունք չունեն գնահատելու մեր ընտրությունները, ես երկար տարիներ աշխատել եմ Արևմուտքում, Արևմտյան Գերմանիայում, ԱՄՆ-ում, ես իմ աչքով եմ տեսել այս «ժողովրդավարությունը», ինչի՞ մասին եք խոսում։ Նրանք բարոյական իրավունք չունեն մեզ սովորեցնելու»,- Լեբեդևի խոսքերն է մեջբերում գործակալությունը։
Նրա խոսքով, ԱՊՀ երկրների դիտորդները «Բելառուսի համար սեփական ժողովուրդն են։ Իսկ յուրայինները միշտ տեսնում և ավելի լավ գիտեն, թե ինչպիսին է իրավիճակը իրենց ընկերների և եղբայրների համար, ինչպես են նրանք իրենց պահում»,- նշել է գլխավոր քարտուղարը։
Նրա խոսքով, ի տարբերություն արևմտյանների, ովքեր թերություններ և բացթողումներ են փնտրում, որպեսզի օգտագործեն այն, ինչ տեսնում են, որպեսզի հետո մեղադրեն ընտրությունները ոչ ժողովրդավարական լինելու մեջ, ԱՊՀ դիտորդներն օգնում են կազմակերպիչներին դրանք անցկացնել արժանապատվորեն և օրենքին համապատասխան։
ՈՒՂԻՂ ԵԹԵՐ
Ամենադիտված 
Ծնողները մահացել են, 3 երեխաները հիվանդանոցում են. նոր մանրամասներ ողբերգական վթարից
