Լեհաստանում կոչ են արել Tesla ավտոմեքենաներ չգնել

Լեհաստանի սպորտի և զբոսաշրջության նախարար Սլավոմիր Նիտրասը քաղաքացիներին կոչ է արել չգնել Tesla ավտոմեքենաներ՝ ընկերության հիմնադիր Իլոն Մասկի հայտարարությունների պատճառով, գրում է РИА Новости-ն։

«Ոչ մի նորմալ լեհ այլևս չպետք է Tesla գնի։ Սրան պետք է լրջորեն և խստորեն արձագանքել՝ ընդհուպ մինչև սպառողական բոյկոտի նման մի բան», - ասել է Նիտրասը:

Շաբաթ օրը «Այլընտրանք Գերմանիայի համար» կուսակցության քարոզարշավի ժամանակ Մասկը ասաց, որ Գերմանիայում մեծ ուշադրություն է դարձվում անցյալի մեղքի վրա, և որ ժամանակակից գերմանացիները չպետք է իրենց մեղավոր զգան նացիստների հանցագործությունների համար: Նրա խոսքով, «երեխաները չպետք է իրենց ծնողների և պապերի մեղքերի համար մեղավոր զգան»։