Պետք է երկրում միջուկային կլաստեր ստեղծել․ Տոկաև

Ղազախստանի նախագահ Կասիմ-Ժոմարտ Տոկաևը կառավարությանը հանձնարարել է սկսել միջուկային կլաստերի ստեղծումը, գրում է ՏԱՍՍ-ը։

«Աճող էներգետիկ դեֆիցիտի ֆոնին մենք պետք է արագացնենք առաջին ատոմակայանի կառուցումը և, ընդհանրապես, սկսենք երկրում միջուկային կլաստերի ստեղծումը։ Սա կարևոր խնդիր է մեր երկրի առաջընթացն ապահովելու համար», ասել է Տոկաևը կառավարության ընդլայնված նիստում։

Նա նախարարների կաբինետին հանձնարարել է «Սամրուկ-Կազինա» պետական ​​հիմնադրամի հետ համատեղ մշակել միջուկային արդյունաբերության զարգացման երկարաժամկետ ծրագրեր։

«Մեզ կոնկրետ տեսլական է պետք: Համապարփակ վերլուծության հիման վրա պետք է բացահայտվեն ապագա ատոմակայանների կառուցման համար առավել հարմար վայրերը, ինչպես նաև ժամանակակից և անվտանգ տեխնոլոգիաները»,- պարզաբանել է Ղազախստանի նախագահը: