Ուկրաինան 5 հազար Starlink տերմինալ է ստացել Լեհաստանից

Լեհաստանն Ուկրաինային է փոխանցել 5 հազար Starlink տերմինալ, որոնք կօգտագործվեն կրիտիկական ենթակառուցվածքի օբյեկտներում։ ՏԱՍՍ-ի, փոխանցմամբ՝ այս մասին հայտնել Է Ուկրաինայի թվային փոխակերպման նախարար Միխայիլ Ֆյոդորովը։

«Եվս 5 հազար Starlink տերմինալ ենք ստացել Լեհաստանից։ Ընդհանուր առմամբ Ուկրաինան ստացել է ավելի քան 50 հազար Starlink տերմինալ, որոնցից ամենաշատը Լեհաստանից է ՝ 29 500», - գրել է նա Telegram ալիքում։

Ավելի վաղ Լեհաստանի թվայնացման նախարարությունը հայտնել էր, որ Լեհաստանի իշխանությունները 2022 թվականից մինչև 2024 թվականի վերջը ծախսել են 83,5 միլիոն դոլար՝ Ուկրաինայի համար նախատեսված 24,5 հազար Starlink արբանյակային կապի տերմինալների բաժանորդագրությունների գնման և վճարման վրա։ 2025 թվականին Վարշավան նախատեսում է այդ նպատակների համար հատկացնել 20 միլիոն դոլար։ Նախարարությունը նաև պարզաբանել է, որ Starlink-ի վերաբերյալ Վարշավայի և Կիևի համաձայնագրի ժամկետը լրանում է սեպտեմբերի 30-ին։