Արևմուտքի մի երկիր կասկածի տակ է դրել ԱՄՆ-ի հետ դաշինքի նպատակահարմարությունը

ԱՄՆ նախագահ Դոնալդ Թրամփի վերաբերմունքը դաշնակիցների նկատմամբ Ավստրալիային ստիպել է կասկածի տակ դնել Վաշինգտոնի հետ պաշտպանական դաշինքի ամրապնդման նպատակահարմարությունը: Այս մասին հայտնում է The New York Times-ը:

Պարբերականը նշել է, որ ավստրալացիները «սարսափով» են հետևում՝ ինչպես է Վաշինգտոնը սպառնում իր մյուս վաղեմի դաշնակիցներին բարձր սակագներով և կասկածի տակ դնում ՆԱՏՕ-ի առջև ԱՄՆ-ի պարտավորությունները:

«Կարող է արդյոք Ավստրալիան հույս ունենալ, որ ԱՄՆ-ն օգնության կհասնի իրեն դժվար պահերին, և կարող է արդյոք Ավստրալիան շարունակել ռազմական աջակցություն ցուցաբերել իր ամերիկյան դաշնակցին, եթե սկզբունքորեն համաձայն չէ նրա տեսակետերի հետ»,- ասվում է նյութում։