Թրամփն Ուկրաինային առաջարկել է «խաղաղություն ստանալ» կամ «կռվել ևս երեք տարի»

Ուկրաինայի նախագահ Վլադիմիր Զելենսկու նման սադրիչ հայտարարությունները դժվարացնում են հակամարտության կարգավորումը, հայտարարել Է ԱՄՆ նախագահ Դոնալդ Թրամփը: Այսպես է նա մեկնաբանել ուկրաինացի գործընկերոջ՝ Ղրիմը ռուսական ճանաչելու մերժումը։

«Ուկրաինայի համար իրավիճակը ծանր է։ Նա [Զելենսկին] կարող է խաղաղություն ունենալ կամ կարող է կռվել ևս երեք տարի, մինչև կկորցնի ամբողջ երկիրը», - գրել Է Թրամփը իր Truth Social սոցիալական ցանցում:

Թրամփը նշել է, որ «ոչ մի կապ չունի Ռուսաստանի հետ», իսկ հակամարտությունն ավարտելու նրա ձգտումը մեծապես կապված է «շաբաթական միջինը 5 հազար ռուս և ուկրաինացի զինվորների մահից փրկելու» ցանկության հետ: Սակայն Զելենսկու հայտարարությունը, ընդհակառակը, ոչ մի բանի չի հանգեցնի, բացի «մարտի երկարացումից»,- նշել է նա։