Իտալիան սկսել է պատրաստվել ՆԱՏՕ-ի կողմից անխուսափելի ճնշմանը. Politico
Աշխարհ
Իտալիայի կառավարությունը սկսել է նախապատրաստվել ՆԱՏՕ-ի և ԵՄ-ի կողմից անխուսափելի ճնշմանը՝ դաշինքի պաշտպանական ծախսերի թիրախին հասնելու իր ծրագրի պատճառով՝ ՀՆԱ-ի երկու տոկոսի չափով: Այս մասին հայտնում է Politico-ն՝ վկայակոչելով իր աղբյուրները։
«Ֆինանսների նախարարությունը հայտարարել է, որ մինչև 2025 թվականի վերջը Իտալիան կկարողանա պաշտպանական բյուջեն հասցնել ՀՆԱ-ի երկու տոկոսի՝ ներառելով գոյություն ունեցող ենթակառուցվածքների, մասնավորապես՝ ֆինանսական ոստիկանության և առափնյա պահպանության ծախսերը։ Դա թույլ կտա խուսափել ծախսերի բացարձակ մեծացումից։ Բայց կասկածներ կան, որ ԵՄ-ն ու ՆԱՏՕ-ն հաշվապահական այդ հնարքը կընդունեն, երբ գնահատեն Իտալիայի ֆինանսները», - հայտնում է ամսագիրը։
Իտալացի պաշտոնյաները նաև նշել են, որ Հռոմը «անխուսափելի քաղաքական ճնշում» է ակնկալում դաշինքի հունիսին կայանալիք գագաթնաժողովում, քանի որ ԵՄ-ն և ռազմական դաշինքը «կպահանջեն ավելի շատ միջոցներ ծախսել պաշտպանության վրա»: Ըստ աղբյուրների՝ Իտալիան ստիպված կլինի օգտագործել այլ բյուջեներ՝ պաշտպանության համար բավարար ֆինանսավորում ապահովելու համար:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
