Զելենսկին հայտնել Է՝ ինչ կետեր են հանվել ԱՄՆ-ի հետ համաձայնագրից

Ուկրաինան Լոնդոնում հանել է ԱՄՆ-ի հետ ընդերքի մասին համաձայնագրից իր Սահմանադրությանը հակասող կետերը։ Այս մասին հայտարարել Է հանրապետության նախագահ Վոլոդիմիր Զելենսկին, նրա խոսքերը մեջբերում է Страна.ua-ի Telegram ալիքը։

«ԱՄՆ-ն առաջարկել է իր տեսլականը։ Սակայն ԱՄՆ առաջարկից զատ հայտնվեց մեկ այլ փաստաթուղթ։ Այն ամենը, ինչը հակասում է մեր արժեքներին կամ մեր Սահմանադրությանը, չի կարող լինել որևէ համաձայնության մեջ»,-ասել է նա։

Պետության ղեկավարը նշել է, որ այժմ Մեծ Բրիտանիայում համաձայնեցված փաստաթուղթը գտնվում է Միացյալ Նահանգների նախագահ Դոնալդ Թրամփի սեղանին: