Ինչու հետաձգվեցին Լոնդոնի բանակցությունները․ փորձագետի անդրադարձը

Լոնդոնում նախարարների մակարդակով ուկրաինական հակամարտության կարգավորման շուրջ բանակցությունների խափանումը մտնում է Վաշինգտոնի ռազմավարության մեջ, որպեսզի վերահսկի խաղաղ գործընթացը եւ ստիպի երկու կողմերին զիջումների գնալ: Այդ մասին «ՌԻԱ Նովոստի»-ին հայտնել է Լիդսի համալսարանի պրոֆեսոր, միջազգային անվտանգության հարցերով մասնագիտացած Էդվարդ Նյումանը:

«Կարծում եմ, որ հետաձգումը կապված է ԱՄՆ-ի ճնշման հետ՝ Ուկրաինային եւ Ռուսաստանին զիջումների մղելու նպատակով։ Նրա անուղղակի սպառնալիքով, որ եթե կողմերից մեկը լուրջ պարտավորություններ չվերցնի կարգավորման հարցում, ապա երկուսն էլ կբախվեն ԱՄՆ-ի դժգոհությանը։ Դա կարող է նաեւ լինել ԱՄՆ ռազմավարության մի մասը, որպեսզի փորձի վերահսկողություն հաստատել հակամարտության կարգավորման գործընթացի վրա, եւ փորձի հասկացնել, որ միայն ԱՄՆ-ն կարող է այն հասցնել շուտափույթ ավարտին», - ասել Է գործակալության զրուցակիցը:

Նրա խոսքով ՝ այս իրավիճակում Վաշինգտոնը փորձում է ցույց տալ, թե ինչ կարող է տեղի ունենալ, եթե ԱՄՆ-ն որոշի հրաժարվել միջնորդական ջանքերից: Փորձագետը հավելել է, որ Լոնդոնի բանակցություններին մասնակցության մակարդակը «իջեցնելու» ամերիկյան կողմի որոշումը «դժվար կացության մեջ է դրել Մեծ Բրիտանիայի կառավարությանը որպես ընդունող կողմ եւ, անշուշտ, խաթարել է հանդիպման արդյունավետությունը»:

Ավելի վաղ ԱՄՆ Պետդեպարտամենտը հայտնել էր, որ Պետդեպարտամենտի ղեկավար Մարկո Ռուբիոն չի մասնակցի չորեքշաբթի օրը Լոնդոնում Ուկրաինայի հարցով բանակցություններին: Ռուբիոյից հետո Լոնդոն այցը չեղյալ է հայտարարել նաև ԱՄՆ նախագահի հատուկ բանագնաց Սթիվ Ուիթքոֆը։ Ավելի ուշ Մեծ Բրիտանիայի ԱԳՆ-ն հայտնել է չորեքշաբթի օրը Լոնդոնում Ուկրաինայի հարցով ավելի ցածր մակարդակով բանակցությունների անցկացման մասին, նախարարների մակարդակով հանդիպումը հետաձգվել է: