Ամերիկյան 12 նահանգ դատի է տվել Թրամփին

Ամերիկյան տասներկու նահանգ հայց է հարուցել ԱՄՆ Միջազգային առևտրի հարցերով դատարանում՝ նախագահ Դոնալդ Թրամփի վարչակազմի սահմանած մաքսատուրքերի պատճառով։ Գրում է ՏԱՍՍ-ը։

«Վերջին երեք ամիսների ընթացքում նախագահը սահմանել, փոփոխել, բարձրացրել է մաքսատուրքերը, կասեցրել դրանց գործողությունը՝ ստորագրելով կատարողական հրամանագրեր և  հուշագրեր, գրառումներ հրապարակելով սոցիալական ցանցերում: Այդ հրամանագրերն արտացոլում են երկրի առևտրային քաղաքականության վիճակը, որն այժմ կախված է նախագահի քմահաճություններից, այլ ոչ թե հենվում է նրա կողմից իր օրինական  լիազորությունների արդյունավետ իրականացման վրա: Իրեն իրավունք վերապահելով սահմանելու բարձր և մշտապես  փոփոխվող մաքսատուրքեր Միացյալ Նահանգներին մատակարարվող այն սպրանքների համար, որ նա ընտրում է, ցանկացած պատճառով, որ նա հարմար է համարում արտակարգ դրություն սահմանելու համար, նախագահը խախտել է սահմանադրական կարգը և քաոս առաջացրել ամերիկյան տնտեսության մեջ», – ասված է ​​փաստաթղթում։

Դատարան դիմելու նախաձեռնողներն են Օրեգոնի, Արիզոնայի, Վերմոնտի, Դելավերի, Իլինոյսի, Կոլորադոյի, Կոնեկտիկուտի, Մինեսոտայի, Մենի, Նևադայի, Նյու Յորքի և Նյու Մեքսիկոյի նահանգները: