Ստամբուլում տեղի ունեցած երկրաշարժը վնասել է ավելի քան հազար շենք

Թուրքիայի շրջակա միջավայրի և քաղաքաշինության նախարար Մուրադ Քուրումը հայտարարել է, որ Ստամբուլում տեղի ունեցած երկրաշարժը վնասել է ավելի քան 1000 շենք։ Այս մասին նա գրել է X սոցիալական ցանցում։

«Մինչ այժմ ուսումնասիրել ենք 15013 տուն, պարզվել է, որ դրանցից 12398-ը չեն վնասվել, 1025-ը թեթև վնասվել են»,- նշեց նա։ Վարչության պետը զեկուցել է նաև, որ վնասների գնահատումը շարունակվելու է։

Ապրիլի 23-ին Մարմարա ծովում 6,2 մագնիտուդով երկրաշարժ է տեղի ունեցել, որին հաջորդել են հետցնցումներ։

Ավելի վաղ թուրք սեյսմոլոգ Ահմեդ Էրջանը զգուշացրել էր , որ ապագայում Թուրքիան կարող է ակնկալել 7-ից 7,2 մագնիտուդ ուժգնությամբ հզոր երկրաշարժ։ Նա կանխատեսում է, որ 2045-2075 թվականներին երկրին սպառնում է ավերիչ աղետ։