Հյուսիսային Կորեան հաստատել է իր զորքերի մասնակցությունը Կուրսկի շրջանում մարտերին
Աշխարհ
Կորեայի Ժողովրդադեմոկրատական Հանրապետությունը պաշտոնապես հայտարարել է, որ ռազմավարական գործընկերության ներկայիս համաձայնագրի շրջանակներում զորամիավորումներ է ուղարկել Ռուսաստան, և որ իր զորքերը մասնակցել են Կուրսկի շրջանը Ուկրաինայի զինված ուժերից «ազատագրելու» գործողությանը։ Այս մասին հայտնում է Կորեայի կենտրոնական լրատվական գործակալությունը (KCNA):
Հյուսիսային Կորեայի առաջնորդ Կիմ Չեն Ընը հայտարարել է, որ ներկայիս ռազմաքաղաքական իրավիճակը համապատասխանում է երկկողմ համաձայնագրի 4-րդ հոդվածին, որը հիմք է հանդիսացել զորքեր ուղարկելու որոշման համար։
«Ռուսական կողմը ծանուցվել է այդ քայլի մասին»,- ասվում է գործակալության հաղորդագրության մեջ։
«Ստեղծված իրավիճակը պահանջում է կատարել պայմանագրով նախատեսված պարտավորությունները: Մենք հարգանքի տուրք ենք մատուցում զոհված զինվորների հիշատակին, և նրանց պատվին Փհենյանում կկանգնեցվի ռազմական փառքի հուշարձան»,- Կիմ Չեն Ընի խոսքերը մեջբերում է KCNA-ն:
ՈՒՂԻՂ ԵԹԵՐ
Ամենադիտված 
Ջուր չի լինի երկար ժամանակ․ հասցեներ
