Երևանում 49-ամյա տղամարդու են դանակահարել. 20-ամյա կասկածյալը որոնվում է
Հասարակություն
Մայիսի 16-ին արտակարգ դեպք է տեղի ունեցել Երևանում։ Ժամը 21։25-ի սահմաններում ՀՀ ներքին գործերի նախարարության ոստիկանության համայնքային ոստիկանության գլխավոր վարչության Մաշտոցի բաժնում օպերատիվ տեղեկություն է ստացվել, որ Նազարբեկյան թաղամասից «ձախ կրծքավանդակի կտրած-ծակած վերք» ախտորոշմամբ «ԱրթՄեդ» բժշկական կենտրոն բուժօգնության է դիմել Երևանի բնակիչ 49-ամյա Տ. Հ․-ն։
Հիվանդանոց մեկնած ոստիկանության Մաշտոցի բաժնի ծառայողները պարզել են, որ նույն օրը ժամը 19։00-ի սահմաններում Նազարբեկյան թաղամասի 48 շենքի բնակարաններից մեկում Տ. Հ․-ն անձնական հարցերի շուրջ վիճաբանել է ոմն Մելսոյի հետ, որի ժամանակ վերջինս սուր կտրող ծակող առարկայով մեկ անգամ հարվածել է Տ. Հ․-ի կրծքավանդակի ձախ հատվածին՝ պատճառելով մարմնական վնասվածք։
Մաշտոցի բաժնում ստացված օպերատիվ տվյալները իրացնելով և ձեռնակված միջոցառումների արդյունքում պարզվել է, որ ոմն Մելսոն հանդիսանում է 20-ամյա Մելսիկ Ա․-ն և ձեռնարկվում են միջոցառումներ՝ նրան և հանցագործության գործիքը հայտնաբերելու ուղղությամբ։
Դեպքի փաստով ոստիկանության Մաշտոցի բաժնում փաստաթղթեր են կազմվել, որոնք փոխանցվել են ՀՀ քննչական կոմիտեի Երևան քաղաքի քննչական վարչության Աջափնյակ և Դավիթաշեն վարչական շրջանների քննչական բաժին։
Մանրամասները՝ սկզբնաղբյուրում:
ՈՒՂԻՂ ԵԹԵՐ
Ամենադիտված 
Իրանը փակեց Հորմուզի նեղուցը, սա նավթի շուկայում համաշխարհային ճգնաժամ է առաջացնելու․ քաղաքագետ 
