Եթե Իրանը փակի Օրմուզի նեղուցը, ապա դա կունենա համաշխարհային մասշտաբով տնտեսական և ռազմական հետևանքներ. Հրայր Կամենդատյան

Եթե Իրանը փակի Օրմուզի նեղուցը, ապա դա կունենա համաշխարհային մասշտաբով տնտեսական և ռազմական հետևանքներ։ Այս մասին գրել է տնտեսագետ Հրայր Կամենդատյանը:

«Ահա հիմնական կետերը՝

1. Տնտեսական հետևանքներ
Նավթի գների կտրուկ աճ
Օրմուզի նեղուցով անցնում է աշխարհի նավթի ~20%-ը (մոտ 17 միլիոն բարել օրական)։ Փակումը կբերի գների կտրուկ բարձրացման՝ մինչեւ նույնիսկ $150 կամ ավելի  մեկ բարելի համար։

2.Էներգետիկ ճգնաժամ աշխարհում։
Արևմուտքը, Ասիան, մասնավորապես Չինաստանը, Հնդկաստանը կախված են Պարսից ծոցի նավթից։

3.Նավթաքիմիական արդյունաբերությունը կփլուզվի ժամանակավորապես։

4.Թանկացումներ համաշխարհային շուկայում
Վառելիք, լոգիստիկա, սնունդ – բոլորն կախված են նավթի գներից։
Հատկապես Եվրոպան ու Ասիան կզգան առաջինը։
5. Ռազմաքաղաքական հետևանքներ
Ռազմական հակազդեցություն կառաջանա ԱՄՆ-ի, Սաուդյան Արաբիայի, Իսրայելի կողմից:
ԱՄՆ ռազմածովային ուժերը մշտապես ներկա են նեղուցում եվ  պահպանում են Օրմուզի վերահսկողությունը։
Նեղուցի արգելափակումը կդիտարկվի ռազմական գործողության պատրվակ:
Հավանական է, որ ԱՄՆ-ն ու ՆԱՏՕ-ն կձեւավորեն կոալիցիա՝ ուժով բացելու նեղուցը։
Այս ամենը կհանգեցնի Իրանի մեկուսացմանը
Եվ Իրանի դեմ նոր պատժամիջոցների, տնտեսական շրջափակման,
արտաքին ներդրումների փախուստի։
 Բացի դրանից  նեղուցի փակելը  նշանակում է նաև վնասել  սեփական նավթի արտահանմանը, ինչը կարող է Իրանի համար լինել ծայրահեղ քայլ միայն լուրջ բացառիկ վտանգի դեպքում։ Ամեն դեպքում խաղաղություն մաղթենք հարևան բարեկամ երկրին եվ ժողովրդին»։