Երեք կարևոր դաս Իրան–Իսրայել հակամարտությունից

ՌԴ Պետդումայի պատգամավոր Անդրեյ Կոլեսնիկը հայտարարել է, որ Իրանի և Իսրայելի հակամարտությունից Ռուսաստանը պետք է քաղի երեք հիմնական դաս՝ հակաօդային պաշտպանության կատարելագործում, զենքերի զարգացում և զգոնություն անգամ խաղաղ բանակցությունների ընթացքում։

Նրա խոսքով՝ Իսրայելի «Երկաթե գմբեթը» չհաջողեց լիարժեք զսպել իրանական հարվածները, ինչը պետք է լուրջ ազդակ լինի Մոսկվայի համար՝ ամրապնդելու սեփական պաշտպանության համակարգերը։

Բացի այդ, Կոլեսնիկն ընդգծել է, որ Իսրայելի հարվածը տեղի ունեցավ հենց այն պահին, երբ ընթանում էին միջուկային բանակցություններ՝ ցույց տալով, որ նույնիսկ «խաղաղության խոստումների» ֆոնին անակնկալ հարձակումն ամբողջովին հնարավոր է։ Իսկ ռուսական «Օրեշնիկ» հրթիռների արտադրությունը, ըստ նրա, արդեն սերիականացված է։