Մակրոնի կինը կրկին հրապարակայնորեն նվաստացրել է նրան

Ֆրանսիայի նախագահ Էմանուել Մակրոնը կրկին հրապարակայնորեն նվաստացվել է իր կնոջ՝ Բրիջիթ Մակրոնի կողմից, երբ վերջինս ետ է քաշել ձեռքը՝ մերժելով ամուսնու ուղարկած ժեստը։ Այս մասին հայտնում է РИА Новости-ն։

Պատահարն տեղի է ունեցել Ֆրանսիայի նախագահի՝ Մեծ Բրիտանիա կատարած եռօրյա այցի ընթացքում։ Տարածված տեսանյութերում երևում է, թե ինչպես Վինձորի ամրոցի ֆոնին Մակրոնների զույգը քայլում է Քեյթ Միդլթոնի, արքայազն Ուիլյամի, թագավոր Չառլզ III-ի և թագուհի Քամիլայի հետ։ Մի պահ Բրիջիթ Մակրոնը արագացնում է քայլը, անցնում է ամուսնուց առաջ։ Մակրոնը փորձում է բռնել նրա ձեռքը, սակայն Բրիջիթը խուսափում է շփումից ու շարունակում է առաջ քայլել։

Ավելի վաղ բրիտանական Daily Mail թերթը, հղում անելով աղբյուրին, նշել էր, որ Բրիջիթ Մակրոնը Մեծ Բրիտանիայում գտնվելիս իրեն տարօրինակ և հեռացված է պահել ամուսնուց՝ ավագ քրոջ մահվան ֆոնի վրա։ Մայիսի վերջին էլ ֆրանսիացի քաղաքական գործիչ Ֆլորիան Ֆիլիպոն ծաղրել էր Մակրոնին՝ հիշեցնելով Բրիջիթի կողմից նրան հասցված ապտակի դեպքը։