ԱՄՆ-ում կտրամադրվի կացության իրավունք 1 մլն դոլարով

ԱՄՆ նախագահ Դոնալդ Տրամփը ստորագրել է հրամանագիր, որով սկսվում է The Trump Gold Card («Տրամփի ոսկե քարտ») ծրագիրը։ Այն հնարավորություն է տալիս օտարերկրացիներին արագացված կարգով ստանալ ԱՄՆ-ում կացության իրավունք՝ վճարելով 1 միլիոն դոլար։

Փաստաթուղթը հրապարակվել է Սպիտակ տան պաշտոնական կայքում։ Ըստ ծրագրի պայմանների՝ կացության իրավունքը տրվում է ներդրումային հիմքով և նախատեսված է բարձր եկամուտ ունեցող դիմորդների համար։

Նոր նախաձեռնությունը դիտվում է որպես միջոց՝ ներգրավելու ֆինանսապես ապահով ներդրողներին և խթանելու ամերիկյան տնտեսության զարգացումը։