Եվրոպացի դիվանագետները դժգոհում են Թրամփի անորոշ դիրքորոշումից Ռուսաստանի հարցում

Մի շարք եվրոպացի դիվանագետներ Վաշինգտոնում հայտարարել են, որ հոգնած են ԱՄՆ նախագահ Դոնալդ Թրամփի փոփոխական դիրքորոշումից Ռուսաստանի նկատմամբ։ Ինչպես փոխանցում է Reuters-ը, նրանք կասկածի տակ են դնում նրա հերթական կոշտ հայտարարությունները Կրեմլի հասցեին։

Դիվանագետների խոսքով՝ ամերիկյան առաջնորդը գրեթե ամբողջ ամառ սպառնում էր Մոսկվային նոր պատժամիջոցներով, սակայն Ալյասկայում Վլադիմիր Պուտինի հետ հանդիպումից հետո կտրուկ փոխեց իր հռետորաբանությունը։ Մասնավորապես, նա դադարեցրել է հրադադարի գաղափարի առաջմղումը։

Ավելի վաղ Թրամփի հատուկ բանագնաց Քիթ Քելլոգը մեկնաբանել էր նախագահի խոստումը՝ պատերազմը մեկ օրում կանգնեցնելու մասին։ Նրա խոսքով՝ Թրամփը փորձում է բոլոր հնարավորությունները տալ դիվանագիտությանը և այդ հայտարարությամբ փորձել է պահպանել իր քաղաքական ժառանգությունը։