ԵՄ-ը պատրաստվում է սահմանափակել Ռուսաստանի նավթի մատակարարումը «Дружба»-ով

Եվրամիությունը քննարկում է առևտրային սահմանափակումներ սահմանելու հարցը՝ Ռուսաստանի նավթի մատակարարման նկատմամբ  «Дружба» նավթամուղով դեպի Հունգարիա և Սլովակիա։ Տեղեկությունը հրապարակել է Bloomberg-ը՝ հղում անելով իր աղբյուրներին։

Գործակալության տվյալներով՝ նախաձեռնությունը չի ներառվում Մոսկվայի դեմ նախատեսվող 19-րդ պատժամիջոցների փաթեթում, որտեղ ընդգրկված են միայն միջոցառումներ ռուսական հեղուկ գազի և նավթային տանկերների նկատմամբ։ Նոր սահմանափակումները դիտարկվում են որպես առանձին առևտրային քայլ, որոնք կարող են ընդունվել ԵՄ երկրների մեծամասնության կողմից՝ առանց միաձայնության։

Այսպիսով, Եվրոպան փորձում է բավարարել ԱՄՆ նախագահ Դոնալդ Թրամփի պահանջը՝ դադարեցնել ռուսական էներգակիրների ներկրումը, չնայած Հունգարիայի և Սլովակիայի դիմադրությանը։ Ավելի վաղ հաղորդվել էր, որ  «Дружба» նավթամուղի դեմ հարձակման պատճառ կարող էր լինել Հունգարիայի ներքաղաքական իրավիճակի փոփոխությունը։