Ֆրանսիայի նախկին վարչապետը Մակրոնին նախազգուշացրել է «սարսափելի ռիսկի» մասին

Ֆրանսիայի նախկին վարչապետ Էդուար Ֆիլիպը երկրի նախագահ Էմանուել Մակրոնին կոչ է արել հրաժարական տալ մինչև իր լիազորությունների ժամկետի ավարտը՝ 18 ամիս անց: Նրա խոսքերը փոխանցում է Financial Times-ը։

«Ֆրանսիան պետք է կանոնակարգված և արժանապատիվ կերպով դուրս գա քաղաքական ճգնաժամից, որը վնասում է երկրին  Նման իրավիճակի ևս 18 ամիսը չափազանց երկար է», - նշել է Ֆիլիպը։

Քաղաքական գործիչը նաև նախազգուշացրել է «սարսափելի ռիսկի» մասին, որ նոր խորհրդարանական ընտրությունների արդյունքում իշխող մեծամասնություն չի ձևավորվի, ինչի պատճառով ճգնաժամը միայն կխորանա: Հրապարակման մեջ ընդգծվում է՝ նախկին վարչապետը Ֆրանսիայի գործող նախագահի դաշնակիցն է։