Կառավարությունը դասական աճուրդով կօտարի Հայագրոբանկի նախկին շենքը

ՀՀ կառավարությունն իր այսօրվա՝ հոկտեմբերի 9–ի նիստում պետական գույքն օտարելու մասին որոշում կայացրեց։

Խոսքը Շիրակի մարզի Մարալիկ քաղաքի Հ. Շահինյան փողոց 3 բանկ հասցեում գտնվող շուկայական արժեքին մոտարկված 34 362 697 ՀՀ դրամ կադաստրային արժեքով 871,99 քառ. մետր մակերեսով շենք-շինությունների, ինչպես նաև դրա զբաղեցրած, օգտագործման և սպասարկման համար հատկացված 0.134 հեկտար մակերեսով հողամասի մասին է։ Այն նախատեսվում է օտարել դասական աճուրդով:

Աճուրդով օտարման ենթակա Գույքի վաճառքի նվազագույն մեկնարկային գինը նախագծով սահմանվել է 2025 թվականի օգոստոսի 18-ի դրությամբ Գույքի գնահատված շուկայական արժեքի 100 տոկոսի չափով՝ 68 400 000 ՀՀ դրամ։

Սահմանվել է նաև, որ առաջին աճուրդի ժամանակ չվաճառված Գույքի վաճառքի նպատակով մինչև Գնահատման հաշվետվության ժամկետի ավարտը՝ 2027 թվականի օգոստոսի 17-ը կազմակերպել հերթական աճուրդներ՝ առանց Գույքի վաճառքի մեկնարկային գնի նվազեցման։

Շինությունը կառուցվել է 1978 թվականին։

Գույքը նախկինում օգտագործվել է որպես Հայագրոբանկի մասնաճյուղ։ Գույքը եռահարկ է՝ բաղկացած նկուղից, առաջին և երկորդ հարկերից։