Թուրքական ընկերության հետ ենք խոսել, իրենց փորձն ենք ուսումնասիրում. ԿԲ փոխնախագահ

Գյուղատնտեսական ապահովագրությունը լուրջ ներդրումներ է պահանջում ենթակառուցվածքների տեսքով։ Փաստացի մի քանի տարի այս ոլորտում վնասաբերությունը 250-300 % է, դա նշանակում է, եթե ինչ-որ մի բանի վնասաբերությունը չորս-հինգ տարի 250-300% է, դա ապահովագրվող ռիսկ չի, որովհետև ապահովագրության իմաստն այն է, որ մի տարի 50% լինի, մյուս տարի 150% լինի և միջինում ապահովագրականները կարողանան այդ ռիսկը ստանձնել։ Այս մասին կառավարության նիստում ասաց ՀՀ կենտրոնական բանկի նախագահի տեղակալն Արմեն Նուրբեկյանն՝ ընդգծելով, որ փաստացի ապահովագրության ծախսկույթի հետ կապված լուրջ ներդրումների կարիք ունեն, ինչով հիմա զբաղվում ենք։ 

«Մենք երկու մոդել ենք դիտարկում, աշխարհում լավագույն երկու մոդելները իսպանական և թուրքական մոդելներն են։ Այնհատ է, որ այստեղ ինստիտուցիոնալ փոփոխություններ են պետք, մասնավորապես, օրինակ այսպես կոչված ապահովագրական փուլի գաղափարն է, որ այսօր մեր օրենսդրության մեջ չկա, դա պետք է ներմուծել։ 
Իմաստն այն է, որ ապահովագրականները միասին ռիսկ են ստանձնում ամբողջությամբ, այլ ոչ թե ապահովագրականները առանձին-առանձին, որը ռիսկերի բաշխման տեսանկյունից ապահովագրական ընկերությունների համար շատ ավելի կանխատեսելի է։ 

Հիմա այդ կան շատ լուրջ խնդիրներ վիճակագրության հետ կապված, հողերի ռեեստրի հետ կապված, այսինքն, թե որ հողատարածքը ով է օգտագործում, ինչ նպատակով, այսինքն բավականին լայն աշխատանքների սպեկտր կա։ 

Մեր նպատակն այն է, որ մենք 2026 թվականի համար կառավարության սուբսիդավորմամբ ինչ-որ բան սկսեինք, որպեսզի կապը չկորի։ Զուգահեռ մեր միջազգային գործընկերների հետ հենց 2027 թվականի համար էլի սկսենք ավելի լուրջ ինստիտուցիոնալ ներդրումներով նոր համակարգի գործարկումը»,-ասաց նա։ 

Նա նաը ընդգծեց, որ թուրքական փորձն հասկանալու համար նախօրեին զրույց են ունեցել թուրքական ապահավագրական ընկերության հետ։ 

«Մեր հիմնական խորհրդատուներն ասում են, որ մեր մոտ ամենամեծ խնդիրներից մեկը ապահովագրության ոլորտում, այսպես կոչված, անտիսելեկցիան է։ Քանի որ շատ դեպքերում ֆերմերները գիտեն, թե որտեղ է ավելի մեծ ռիսկ, որովհետև իրենք, որ տեսնում են ամեն տարի նույն տեղում էական ռիսկ է լինում, քանի որ գրեթե 95-100% հավանականությամբ խնդիր է առաջանալու, իրենք իրենց մի քանի հողատարածքներից ընտրում են միայն դա, դա են ապահովագրում, փաստացի ապահովագրական համակարգը մեծ վնասներ է կրում, բայց ընդհանուր առմամբ տրամաբանությունը ապահովագրության խախտվում է։ 

Օրինակ, առաջարկներից մեկն այն է, որ գյուղացին չկարողանա ընտրել։ Եթե ինքը որոշում է, որ ինչ-որ բան պետք է ապահովագրի, ապա ինքը պետք է իր բոլոր հողակտորները ապահովագրի»,-ասաց նա։