Մեկ օրում հայտնաբերվել է 9 հետախուզվող. ՆԳՆ
Հասարակություն
ՆԳՆ ոստիիկանությունը ներկայացրել է օպերատիվ իրավիճակը հանրապետությունում հոկտեմբերի 8-9-ը:
Բացահայտվել է 112 հանցագործություն, որոնցից 5-ը՝ նախկինում կատարված:
Մասնավորապես, բացահայտվել է.
- 32 դեպք` տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու.
- 14 դեպք՝ թմրանյութի հայտնաբերման.
- 8 դեպք՝ հոգեկան ներգործության.
- 6-ական դեպք՝ անձնական ունեցվածքի գողության, խարդախության.
- 4-ական դեպք՝ մարմնական վնասվածք պատճառելու, ֆիզիկական ներգործության, զենք-զինամթերքի առգրավման։
Բացահայտվել են նաև շորթման, գույքը ոչնչացնելու կամ վնասելու, խուլիգանության, բուժաշխատողի կողմից մասնագիտական պարտականությունները չկատարելու, թմրանյութի իրացման, ծառերը, թփերը ապօրինի հատելու, փաստաթուղթ կեղծելու, աշխատանքի պաշտպանության կամ անվտանգության կանոնները խախտելու, սառը զենքի հայտնաբերման և այլ դեպքեր։
Նախկինում կատարված հանցագործություններից բացահայտվել է շորթման 5 դեպք։
Հայտնաբերվել է 9 հետախուզվող։
Գրանցվել է զենք-զինամթերք կամավոր հանձնելու 1 դեպք։
ՃՏՊ վիճակագրությունը հետևյալն է. անցած 1 օրում գրանցվել է 24 ավտովթար․ 2 մարդ զոհվել է, 23-ը՝ ստացել տարբեր աստիճանի մարմնական վնասվածքներ։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
