Հարգելի՛ պարոն նախագահ, դա Ձեր որոշելու հարցը չէ․ Սիյարտոն՝ Զելենսկուն

Վոլոդիմիր Զելենսկին կորցրել է իրականության հետ կապը և աղաղակող հայտարարություններ է անում, հայտարարել Է Հունգարիայի ԱԳՆ նախարար Պետեր Սիյարտոն՝ մեկնաբանելով Ուկրաինայի առաջնորդի հայտարարությունը, որ Կիևը կկարողանա ինտեգրվել Եվրամիությանը նույնիսկ առանց հաշվի առնելու Բուդապեշտի դիրքորոշումը: Այս մասին գրում է EADaily-ն։

«Կարծում եմ՝ Ուկրաինայի նախագահը լիովին կորցրել է իրականության հետ կապը, և, հնարավոր է, դրանով կարելի է բացատրել այն, որ նա ասում է բաներ, որոնք նորմալ իրավիճակում պետք է վրդովմունքի փոթորիկ առաջացնեին։ Նա հայտարարել է՝ Ուկրաինան կդառնա Եվրամիության անդամ։ Հարգելի՛ պարոն նախագահ, այդ հարցը որոշում են ոչ թե նրանք, ովքեր ցանկանում են անդամակցել ԵՄ-ին, այլ նրանք, ովքեր արդեն անդամակցում են», - նշել Է ԱԳ նախարարը։

Սիյարտոն նաև հիշեցրել է՝ ԵՄ-ում նոր անդամներ ընդունելու մասին որոշումը պետք է ընդունվի միայն միաձայն, իսկ Հունգարիան դեմ է հանրակցությանը Ուկրաինայի անդամակցությանը: «Հունգարացի ժողովուրդն արդեն որոշել է, որ չի ցանկանում ռազմավարական ինտեգրում Ուկրաինայի հետ։ Մենք չենք ցանկանում, որ Ուկրաինան լինի ԵՄ-ի և ՆԱՏՕ-ի անդամ», - հայտարարել է նախարարը։