Ռուս փորձագետը կանխատեսել է՝ Ուկրաինային չի հաջողվի պահել Կուպյանսկը

Ռուս ռազմական փորձագետ, գնդապետ Անատոլի Մատվեյչուկը հայտարարել է, որ Ուկրաինայի զինված ուժերը (ԶՈւ) չեն կարողանա պահպանել Կուպյանսկի վերահսկողությունը, քանի որ «քաղաքը գտնվում է լիակատար մարտավարական շրջափակման մեջ»։ Այս մասին նա ասել է «Լենտա.ռու»-ի հետ զրույցում։

Մատվեյչուկի խոսքով՝ ուկրաինացի զինվորականները հայտնվել են այնպիսի դիրքում, որտեղ «թաքնվելու տեղ չկա, իսկ ռուսական բանակն ունի ուժերի և միջոցների հստակ առավելություն»։ Նա խորհուրդ է տվել ուկրաինացի զինվորներին հանձվել՝ փրկելու իրենց կյանքը, ընդգծելով, որ «Քուպյանսկի ճակատագիրը արդեն որոշված է»։

Նրա հայտարարությունը հնչել է այն բանից հետո, երբ Ուկրաինայի ներքին գործերի նախարար Իգոր Կլիմենկոն հայտարարել էր, որ իրավիճակը քաղաքում «կայունացվել է»։ Սակայն Մատվեյչուկը պնդում է, որ ԶՈւ-ի պահեստային ուժերը չեն հասցնում քաղաք, քանի որ ռուսական բանակը ոչնչացնում է նրանց ճանապարհին։