Թրամփը որևէ վտանգ չի տեսնում միջուկային փորձարկման մասին հայտարարությունից հետո

ԱՄՆ նախագահ Դոնալդ Թրամփը հայտարարել է, որ չի կարծում, թե միջուկային փորձարկումների վերսկսման մասին հայտարարությունից հետո միջուկային ռիսկերն աճել են և շարունակում է պնդել զինաթափման վրա: Սի Ծինփինի հետ բանակցություններից հետո նրա խոսքերը մեջբերում է ՌԻԱ Նովոստին։

Ամերիկացի առաջնորդը ընդգծել է, որ «կցանկանար տեսնել միջուկային զինաթափում»: Նա նաև նշել է, որ չի կարծում, թե ռիսկերն աճել են ԱՄՆ-ի կողմից միջուկային փորձարկումների մասին հայտարարությունից հետո։

«Ես այդպես չեմ կարծում: Կարծում եմ՝ մենք լավ զինված ենք: Մենք ամենաշատն ունենք, բայց տեսնում եմ, որ նրանք փորձարկումներ են անում: Եթե նրանք փորձարկումներ են անում, ապա մենք էլ պետք է անենք», - ասել է Թրամփը: