Թրամփը հայտարարեց «հաղթանակ կլիմայական խաբեության դեմ պատերազմում»՝ Գեյթսի խոսքերից հետո

ԱՄՆ նախագահ Դոնալդ Թրամփը հայտարարել է, որ «հաղթել է կլիմայական խաբեության դեմ պատերազմում»՝ մեկնաբանելով Microsoft-ի հիմնադիր Բիլ Գեյթսի խոսքերը կլիմայի փոփոխության վերաբերյալ։ Թրամփը գրել է իր Truth Social-ի էջում, որ Գեյթսը «վերջապես ընդունել է իր սխալը»։

«Բիլ Գեյթսը վերջապես խոստովանեց, որ այս հարցում ամբողջովին սխալ էր։ Դրա համար անհրաժեշտ էր խիզախություն, և դրա համար մենք բոլորս շնորհակալ ենք։ MAGA!» — նշել է Թրամփը։

Ավելի վաղ Գեյթսը իր հոդվածում կոչ էր արել աշխարհին կենտրոնանալ ոչ թե գլոբալ տաքացման կանխման, այլ աղքատության և հիվանդությունների դեմ պայքարի վրա՝ նշելով, որ կլիմայի փոփոխությունը լուրջ հետևանքներ կունենա, բայց չի հանգեցնի մարդկության կործանման։ Նրա խոսքերը արձագանք էին ՄԱԿ-ի գլխավոր քարտուղար Անտոնիու Գուտերեշի հայտարարությանը, որ աշխարհը չի կարողացել պահպանել գլոբալ տաքացման սահմանը՝ 1,5°C-ի շրջանակում, ինչպես նախատեսված էր Փարիզյան համաձայնագրով։