NYT․ Թրամփը ցանկանում է «արժանանալ դրախտին»՝ խաղաղություն բերելով Գազայում և Ուկրաինայում

The New York Times-ը գրել է, որ ԱՄՆ նախագահ Դոնալդ Թրամփը փորձում է օգտագործել Գազայի և Ուկրաինայի հակամարտությունների կարգավորումը՝ որպես «ճանապարհ դեպի դրախտ»։ Ըստ պարբերականի՝ Թրամփը վերջին ամիսներին մի քանի անգամ է խոսել «դրախտ» հասնելու ցանկության մասին՝ այն կապելով իր խաղաղարար նախաձեռնությունների հետ։

«Երկու անգամ, երբ նա հիշատակել է դրախտը, դա եղել է Գազայում հրադադարի և Ուկրաինայում խաղաղության հասնելու իր փորձերի համատեքստում։ Նա դրանք ներկայացրել է որպես իր փրկության հիմնավորում», — գրում է NYT-ը։

Թրամփի այս արտահայտությունները զարմացրել են նույնիսկ իր աջակիցներին․ ըստ հոդվածագիրների, նա հազվադեպ է անդրադառնում հոգևոր թեմաներին։ Սակայն նրա որոշ հավատացյալ կողմնակիցներ դա ընկալել են որպես նշան, որ նախկին նախագահը նույնպես պայքարում է կյանքի իմաստի և հավերժության հարցերի շուրջ։ Ավելի վաղ Թրամփը ասել էր. «Ես ուզում եմ փորձել դրախտ ընկնել, եթե դա հնարավոր է։ Եթե այնտեղ հայտնվեմ, դա կլինի այն պատճառով, որ ես փրկել եմ շատ կյանքեր»։