Նյու Յորքի «Մետրոպոլիտեն» թանգարանին մեղադրում են նացիստների կողմից գողացված Վան Գոգի նկարի վաճառքի մեջ

Նյու Յորքի արվեստի «Մետրոպոլիտեն» թանգարանը կանգնել է դատական վեճի առաջ՝ Հոլոքոստից տուժած հրեական ընտանիքի ժառանգուհու կողմից։ Ինչպես գրում է Daily Mail-ը, Ջուդիթ Էն Սիլվերը դատի է տվել թանգարանին և Գուլանդրիս հիմնադրամին՝ մեղադրելով նրանց Վինսենթ վան Գոգի «Զեյթունի հավաքը» (1889) կտավի ապօրինի վաճառքի մեջ։

Ըստ հայցի՝ նացիստները 1936 թվականին բռնագրավել են նկարը Սիլվերի հարազատներից՝ Ֆրից և Հեդվիգ Շտերներից։ «Մետրոպոլիտենը» գնել է գործը 1956-ին՝ 125 հազար դոլարով, իսկ 1972-ին վաճառել է այն հունական Գուլանդրիս ընտանիքին։ Հայցվորի համոզմամբ՝ այդ վաճառքը վկայում է, որ թանգարանը գիտակցել է կտավի անօրինական ծագումը։

Թանգարանը հերքել է մեղադրանքները՝ պնդելով, որ նկարը ձեռք է բերվել օրինական ճանապարհով և վաճառվել է «գեղարվեստական պատճառներով»։ Ներկայում «Զեյթունի հավաքը» ցուցադրվում է Աթենքում՝ Գուլանդրիս հիմնադրամի թանգարանում։