Շվեյցարական դատարանը պարտավորեցրել է Կամիլա Վալիևային վճարել ավելի քան 2 միլիոն ռուբլի

Շվեյցարիայի դաշնային դատարանը մերժել է ռուս ֆիգուրիստկա Կամիլա Վալիևայի բողոքը՝ պարտավորեցնելով նրան վճարել շուրջ 2,3 միլիոն ռուբլու դատական ծախսեր։ Այս մասին հայտնում է РИА Новости-ն։

Դատարանը չեղարկման չի ենթարկել Սպորտային արբիտրաժային դատարանի (CAS) որոշումը, որը ֆիգուրիստկային որակազրկել էր չորս տարով՝ հակադոպինգային կանոնների խախտման համար։ Վալիևան պարտավորվել է փոխհատուցել 7 հազար շվեյցարական ֆրանկ դատարանի ծախսերի համար, ինչպես նաև վճարել ISU-ին և WADA-ին՝ յուրաքանչյուրը 8 հազար ֆրանկ (ընդհանուր՝ մոտ 23 հազար ֆրանկ կամ 2,3 մլն ռուբլի)։

Ֆիգուրիստկան այժմ չի մասնակցում մրցումների՝ շարունակվող որակազրկման պատճառով։ 2024-ի հունվարին CAS-ը նրան որակազրկել էր չորս տարով՝ նրա դոպինգային փորձանմուշում հայտնաբերված «տրիմետազիդին» դեղամիջոցի հետքերով։ Ավելի ուշ հաղորդվեց, որ արգելված նյութը նրա օրգանիզմ է անցել պատահաբար՝ մի տարեց բարեկամի ընդունած դեղամիջոցից։