ԱՄՆ ռազմաօդային ուժերը ցանկանում են ավելացնել F-35 և F-15EX կործանիչների քանակը

ԱՄՆ ռազմաօդային ուժերը (USAF) նախատեսում են ձեռք բերել ևս մի քանի հարյուր F-35 և F-15EX կործանիչներ՝ իրականացնելու նախագահ Դոնալդ Թրամփի ազգային պաշտպանության նոր ռազմավարությունը։ Այդ մասին հայտնել է Breaking Defense-ը՝ հղում անելով Կոնգրեսի կողմից հաստատված հաշվետվությանը։

Փաստաթղթում նշվում է, որ Վաշինգտոնը գլոբալ պարտավորությունների կատարման համար պետք է ունենա առնվազն 1558 մարտական պատրաստության ինքնաթիռ, մինչդեռ ներկայում՝ մինչև 2026 ֆինանսական թվականը, ՎՕՈՒ-ն կունենա ընդամենը 1271։ Այսինքն՝ առաջիկա տասնամյակում պահանջվելու է գնել մոտ 300 նոր կործանիչ։

Նույն աղբյուրը գրում է, որ ծրագիրը կարող է բախվել բյուջետային և արդյունաբերական սահմանափակումների՝ հաշվի առնելով Boeing ընկերության գործարաններում տեղի ունեցած գործադուլները, որոնք արդեն ուշացրել են F-15EX ինքնաթիռների մատակարարումները։ Տեխնոլոգիական ծանրաբեռնվածությունը և ֆինանսական ռիսկերը, ըստ վերլուծաբանների, կարող են կանխել նախատեսված թվին՝ 1369 մարտական ինքնաթիռներին, հասնելը մինչև 2030-ականների սկիզբը։