Մակրոնի վարկանիշը կրկնել է պատմական հակառեկորդը

Ֆրանսիայի նախագահ Էմանուել Մակրոնի հավանության վարկանիշը ընտրողների շրջանում կազմել է 11 տոկոս: Այս մասին են վկայում Verian Group սոցիոլոգիական ընկերության հարցման տվյալները՝ Le Figaro թերթի պատվերով։

«Էմանուել Մակրոնի հանդեպ անվստահությունը նոր բարձունքների է հասնում», - նշել են ընկերությունում: Ընկերությունը նշում է, որ Մակրոնի ներկայիս վարկանիշը կրկնել է երկրի նախկին նախագահ Ֆրանսուա Օլանդի պատմական հակառեկորդը 2016 թվականի նոյեմբերին՝ «նախագահը չպետք է այդպես խոսի» գրքի լույս տեսնելուց հետո:

Այն ժամանակ ժողովրդականության կորուստը Օլանդին դրդեց հրաժարվել նախագահական երկրորդ ժամկետի համար առաջադրվելու ծրագրերից։